madoo


madoo

اهلا بك يا زائر في منتدي madoo نتمني ان تقضي معنا افضل الاوقات
 
الرئيسيةس .و .جبحـثالأعضاءالمجموعاتالتسجيلدخولتسجيل دخول الاعضاء
مرحبا بك أيها الزائر الكريم في منتداك الخاص ويسعدنا انضمامك إلى عائلة أحلى منتدى.
اعوذ بالله من الشيطان الرجيم بسم الله الرحمن الرحيم (اَللَهُ لا إِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِ السَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّ بِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍ مِنْ علمِهِ إِلاَ بِمَا شَآء وَسعَ كُرْسِيُّهُ السَمَاوَاتِ وَالأَرضِ وَلاَ يَؤُدُه حِفْظُهُمَا وَهُوَ العَليُّ العَظِيم
شكرا لكل من ساهم بموضوع او رد في المنتدي ونتمني لكم مزيد من التوفيق
لا إله إلا الله وحدة لا شريك له له الملكـ وله الحمد وهو على كل شيء قدير
الاخوه الكرام :المنتدي منتداكم انشيء لخدمتكم فساعدو للنهوض به
madoo:تم فتح باب الترشح للاشراف بالمنتدي اذا كنت تري نفسك علي قدر من المسئوليه فرشح نفسك في قسم طلبات الاشراف القسم مفتوح للجميع اعضاء وزوار المنتدي اتمني لكم الخير دوما
madoo:تهنئه من القلب الي جميع الاعضاء الكرام بحلول عيد الفطر المبارك كل عام وانتم بخير

شاطر | 
 

 قصيدة ممنوعة للرائع عبدالرحمن الابنودي

اذهب الى الأسفل 
كاتب الموضوعرسالة
the black devil
مشرف
مشرف
avatar

ذكر
الجوزاء
عدد المساهمات : 264
نقاط : 353
تاريخ الميلاد : 02/06/1991
تاريخ التسجيل : 05/05/2010
العمر : 26

مُساهمةموضوع: قصيدة ممنوعة للرائع عبدالرحمن الابنودي   الإثنين مايو 31, 2010 11:19 am

أنا المصري....كريم العنصرين

سليل المخلصين ... المؤمنين
وحامى الأمة في وقت الشدايد
وشقاق السكك للواردين
ودمى ملك ليكم أجمعين
أنا المصري كريم العنصرين

أنا المصري كريم العنصرين
فقدت العقل والصوت والايدين وبعد ما كنت نجده وروح ووقفه
مانيش عارف نسيت دا كله فين
مين اللى سلبني أسمي مين؟؟
أنا المصري كريم العنصرين

وكنت اصرخ اطفي النار بصوتي
ويحيى امتى في الشده ..... موتى
فمين اللى كتب عار في جبيني
ومين اللى سرق شعلة سكوتي
وأنا اللى غنايا صحا العالمين
أنا المصري كريم العنصرين

أنا متباع ...ماهيش عادتك يا وطني
عدو..لعدو .. مين ماقبض شتمني
صبى البقال يتاجر في الضما ير
واحلا عمري ضاع مستني زمني
بقينا بصمتنا الموت متكتفين
أنا المصري كريم العنصرين

كان الوحل..شد الرجل منى
أنوح أبكي وأنا قاصد أغني
وواقفين ع الشطوط بأيادي سودا
محال هيغرقونى غصب عنى
ولو نصبوا فى قلبي ميت كمين
أنا المصري كريم العنصرين

بنيتها من الهرم للسد .. يدي
بنتها كلها ف لحظه تحدى
وكنت زعيم نبيل ما بين جفارا وتيتو وكاسترو ونهرو وغاندى
ومش محتاج أقول أنا كنت مين؟؟
أنا المصري كريم العنصرين

وكان يخطب تصيب الدنيا ربكه
ومن لبنان يعود اسطول أميركا
ولينا في الوجود كلمه ومكانه
واخوة فى الأمل ....دمعه وضحكه
ورقابينا الابيه...مرفوعين
أنا المصري كريم العنصرين

وجونا اللى رمونا...للمهالك
تقول"لاه:يقو لولها وانتي مالك؟؟
تقول لبنان..احبابنا الأعزه
يقولوا يغوروا ...وتغوروا كذلك
نسيت من همي أبقى ازاي حزين
أنا المصري كريم العنصرين

وبعنا كل شىء ينباع ...بدقه
بشفافيه ومن غير إي سرقه
ونظرنا لعلم النهب صرنا
بننهب كل شىء .. لكن برقه
بقينا دكاتره وسط النشالين
أنا المصري كريم العنصرين

زمان كان فيه ملك فاحت روايحه
وثوار جيش بروحهم يومها .. ضحوا
وكان لينا شاءن حتى في الهزيمه
وطن..كان يعجبك جمعه وطرحه
علينا عين..واقي الأمة عين
أنا المصري كريم العنصرين

وعاد تانى الملك يحكم بلاده..
ومن بعد السنين دي ...زاد فساده
وكنا ساده فوق ارض الكنانه
واصبحنا عبيده .....أو عباده
وضاع في الزحمة مشوار السنين
أنا المصري كريم العنصرين

وتانى يا فقير عاد من يخونك
وتتهان في بلادك عيني عينك
ولا الدين مكتفى من مص دمك
ولا عارف ديونهم من ديونك
وجيت للحق؟؟,,كله سلف ودين
أنا المصري كريم العنصرين

وده يسلم لده والعصر فاجر
وتاجر حنت..سلمنا لتاجر
وأم الأمة مصر الإنسانية
بتتآمر..وبتدارى الخناجر
وكنت النجده واستنجد بمين
أنا المصري كريم العنصرين

وكنت اصرخ ..وكان الكل يسمع
أمد الإيد ..عدو الأمة يرجع,
وجاني النطع يأمرني ويشخط
وخلاني بقيت في الحق انطع
أنا إلي كنت اصحي الغفلانين
أنا المصري كريم العنصرين

وكانوا يقولو"مصر"الشمس تطلع
وتعلا رقابنا فوق..وعيوننا تلمع
وكنا نشيل قلوبنا فوق كفوفنا
ويصدرونا نواجه أي مدفع
فمين ساعدنا ع الوضع المهين..؟
أنا المصري كريم العنصرين

وازاي النهارده الدم.عومي
مقلقل صحوتي وساكن في نومي
دمأنا بتشتعل في ارض غزه
ولبنان نارها ماسكه في هدومي
وأنا اللى في الأسى واقف ما بين
أنا المصري كريم العنصرين

ولولا الأنظمة العربية لامت
وفى صفوف العدو حتكون وكانت
ما كان الموت عرف "صيدا" و"بعبدا
ولاكانت قيامه الغدر قامت
ولا قلب العرب بيت حزين
أنا المصري كريم العنصرين

وشوف لبنان بترحل من جنوبها
ونوم الليل.. ما بيعرف جنوبها
سطور النمل زاحفه للملاجئ
وريح الخونه ما هدت هبوبها
ألوف راحلين في قلبي مذعورين
أنا المصري كريم العنصرين

فيا لبنان أنا..م اللى خانوك
يا حزب الله حكامنا باعوك
يا صاحبي..ما عدنا نملك غير هتافنا
هتافنا.مر مالي رقابنا شوك
وعلني..بنفس الفعل المشين
أنا المصري كريم العنصرين

يا نصر الله ده..زمن البياعين
وانت طلعت الأمة منين؟؟
تفكرنا بكل اللى نسيناه
أظنه صعب يصحوا الميتين
وخليتنا الجميع متفرجين
أنا المصري كريم العنصرين

مازال العدو نفس الخبيث
أبونا مات وسابهو ه لنا وريث
ومهما يلف ويدور ..راح يغور
واسأل عندنا بيوت السويس
حلاوة روح..وحياه الحسين
أنا المصري كريم العنصرين

بقت رايتك خلاص رمز لجهادك
بقت رمز المقاومة في بلادك
ولبنان كلها بايته في ضميرك
خلاص صبح الجهاد ماءك وزادك
لغير المسلمين والمسلمين
أنا المصري....كريم العنصرين

بلاد الأمريكان احنا وصهاينة
وصمتي ع اللى حاصل...كله معنى
مازال الحلم لم فارق دمايا
على رغم اللى عاشه طعنه .. طعنه
يا لبنان الكرامة ....لا تلين
أنا المصري كريم العنصرين
الرجوع الى أعلى الصفحة اذهب الى الأسفل
madoo
المدير العام
صاحب المنتدي
المدير العام صاحب المنتدي
avatar

مصر
ذكر
الجوزاء
عدد المساهمات : 530
نقاط : 1259
تاريخ الميلاد : 05/06/1983
تاريخ التسجيل : 03/05/2010
العمر : 34
العمل/الترفيه : شركه كهرباء
المزاج : مرح
تعاليق : مــــــــــــــــــــــــــــــــــــــــــــــــــــــــــــــــادو

مُساهمةموضوع: رد: قصيدة ممنوعة للرائع عبدالرحمن الابنودي   الإثنين مايو 31, 2010 3:34 pm

مشكور علي الموضوع الرائع


الرجوع الى أعلى الصفحة اذهب الى الأسفل
http://madoolove.yoo7.com
 
قصيدة ممنوعة للرائع عبدالرحمن الابنودي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
madoo :: المنتدي العام :: الشعر وهمس الخواطر-
انتقل الى:  
...
اعلانك هنا يحقق هدفك
+::: مساحة إعلانيه  رقم 1 :::+ +::: مساحة إعلانيه  رقم 2 :::+ +::: مساحة إعلانيه  رقم 3 :::+ +::: مساحة إعلانيه  رقم 4 :::+ +::: مساحة إعلانيه  رقم 5 :::+ +::: مساحة إعلانيه  رقم 6 :::+
شارك
شارك أصحابك على الفيس بوك بهذه الصفحة
Share $lgvmessage
جميع الحقوق محفوظه للمنتدي

جميع الحقوق محفوظة لـmadoo
 منتديات مـــــــــــــــــــــــادو ®madoolove.yoo7.com
حقوق الطبع والنشر©2011 - 2010
mmm
http://madoolove.yoo7.com